Усіх, хто прайшоў наш курс, запрашаем на Фестываль Актыўнай ацэнкі.
ФЕСТЫВАЛЬ
“СТРАТЭГІІ АКТЫЎНАЙ АЦЭНКІ Ў ПРАКТЫЦЫ РАБОТЫ НАСТАЎНІКАЎ”
Паважаныя калегі!
Запрашаем прыняць удзел у фестывалі педагагічных ідэй “Стратэгіі актыўнай ацэнкі ў практыцы работы настаўнікаў”
Фестываль арганізуецца цэнтрам прафесійнага развіцця і інавацыйнай адукацыі Дзяржаўнай установай адукацыі “Акадэмія паслядыпломнай адукацыі” ў адпаведнасці з Рэспубліканскім каардынацыйным планам мерапрыемстваў дадатковай адукацыі педагагічных работнікаў на 2017 год.
Тэрміны правядзення фестывалю – 15-16 чэрвеня 2017года.
Мэта фестывалю: абмен педагагічным досведам выкарыстання стратэгій актыўнай ацэнкі як сродка павышэння акадэмічнай паспяховасці, ўнутранай матывацыі, ацэначнай самастойнасці і адказасці вучняў за ўласнае навучанне.
Да ўдзелу запрашаем настаўнікаў, удзельнікаў дыстанцыйнага курса 2016/2017 г. (пры падтрымцы nastaunik.info), метадыстаў, кіраўнікоў устаноў адукацыі, прадстаўнікоў грамадскіх аб’яднанняў і бацькоўскай грамадскасці.
У фестывалі плануецца правядзенне майстар-класаў экспертамі актыўнай ацэнкі з Польшчы.
Тэматычныя напрамкі работы на фестывалі:
I. Мэтавызначэнне: прыняцце вучнямі мэтаў навучання і крытэрыяў поспеху.
II. Арганізацыя ў класе дыскусій, выкарыстанне пытанняў і заданняў, якія даюць інфармацыю аб працэсе навучання ( “светлафор”, рэфлексія, тэхнікі задавання пытанняў, ключавыя пытанні і інш).
III. Зваротная сувязь: інфармацыя якая дапамагае вучыцца.
IV. Практыкі ўзаеманавучання (праца ў групах, парах, узаемаацэнка…)
V. Вучань як суб’ект працэсу ўласнага навучання (уцягванне вучня ў распрацоўку мэты, НаШтоБуЗУ, узаемаацэнка, самаацэнка, выбар, самастойнасць, ключавыя пытанні, сувязь ведаў з рэчаіснасцю, выкарыстанне выклікаў і праблемных пытанняў, вера ў магчымасці вучня…)
Фармат удзелу:
- Правядзенне майстар-класа па тэматычных напрамках фестывалю;
- прэзентацыя педагагічнай ідэі (актыўная ацэнка ў практыцы работы педагогаў);
- прэзентацыя кнігі, метадычнага дапаможніка, сайта або праекта;
- свабодны ўдзел.
Майстар-класы:
працягласць майстар-класа не павінна перавышаць 70 хвілін;
тэматыка майстар-класаў павінна адпавядаць і раскрываць адно з тэматычных напрамкаў фестывалю;
аргкамітэт фестываля пакідае за сабой права адбору майстар-класаў;
Прэзентацыя педагагічнай ідэі, кнігі, метадычнага дапаможніка, сайта або праекта:
прэзентацыя не павінна перавышаць 10 хвілін;
педагагічная ідэя павінна адпавядаць тэматычнаму накірунку фестываля і аптымізаваць працэс укаранення актыўнай ацэнкі ў адукацыйную практыку;
аргкамітэт пакідае за сабой права адбора прэзентацый.
Фестываль пройдзе па адрасе: г. Мінск, вул. Някрасава, 20
Рэгістрацыя ўдзельнікаў фестываля:
Патэнцыяльныя ўдзельнікі павінны зарэгістравацца не пазней за 26 мая 2017 года (уключна) па спасылцы:
https://goo.gl/forms/1i9PZG7XRt9Nq6in2