Распачаўся сёмы дыстанцыйны курс “Стратэгіі актыўнай ацэнкі”

Сёмы дыстанцыйны курс “Стратэгіі актыўнай ацэнкі” пачаўся! Сёлета мы атрымалі 175 заявак з чатырох краін. Праз конкурс адабралі 107 чалавек, хаця планавалі набраць 70. На курсе працуе каманда з 19 ментараў і 2 адміністратараў.

2019 год – юбілейны. Спаўняецца 10 год, як ТБШ вядзе праграму актыўнай ацэнкі (у прастамоўі – укараненні метадаў фінскай сістэмы адукацыі). Мы бачым, што ёсць добрыя вынікі – з актыўнай ацэнкай дзеці ходзяць у школу з большай ахвотай, маюць лепшыя веды і адзнакі. Наша праграма і напрацоўкі беларускіх настаўнікаў-практыкаў атрымалі міжнароднае прызнанне. Кніга “Актыўная ацэнка” перакладзена на рускую мову і хутка выйдзе ў Маскве, да нас едуць вучыцца з замежжа, запрашаюць нашых ментараў і настаўнікаў правесці майстар-класы ва Украіне, Расіі.

Актыўная ацэнка – методыка, якая цалкам мяняе філасофію школы, дапамагае вучню вучыцца на сваіх памылках, падвышае матывацыю і адказнасць за сваё навучанне. Бацькі, настаўнікі і вучні становяцца сапраўднымі партнёрамі – камандай, бо яны разам фармулююць мэты і крыітэрыі іх дасягнення, разам аналізуюць, што атрымалася, а што не, разам спрабуюць выправіць сітуацыю, змяняючы метады вучэння і навучання. Менавіта так фармуюцца навыкі 21 стагоддзя: супрацоўніцтва, творчасць, крытычнае мысленне і камуніктыўныя навыкі.

10 год наша праграма трымаецца на энтузіястах.

Мы будзем радыя, калі нехта з беларускіх бізнэсоўцаў ці проста неабыякавых людзей захоча падтрымаць нашу праграму і працу каманды настаўнікаў-наватараў: напрыклад, аплаціць хостынг і дамен для сайтаў, на якіх ідуць курсы, зрабіць мабільную весію сайта, даць памяшканне для сустрэч і навучальных семінараў… Толькі сумеснымі намаганнямі мы зможам зрабіць нашу школу НАШАЙ.

Тамара Мацкевіч,
намесніца старшыні ТБШ,

каардынатар праграм “Стратэгіі актыўнай ацэнкі” і “Медыяадукацы ў школе”.
nastaunik.info@gmail.com


Comments

Распачаўся сёмы дыстанцыйны курс “Стратэгіі актыўнай ацэнкі” — 2 каментарыя

  1. Добры дзень. Зацікавіла праца па АА і хочацца даведацца пра яе,паспрабаваць прымяніць на практыцы.Спадзяюся, што атрымаецца.

  2. Искренне благодарна, что имею возможность приобретать новые знания. Готова обучаться и учить этому других.

Пакінуць адказ

Ваш адрас электроннай пошты не будзе апублікаваны. Неабходныя палі пазначаны як *

Увядзіце лічбу: