Паэма пра дыстанцыйны курс і гімн “Актыўнай ацэнкі” [+ВІДЭА]

Аб дыстанцыйным курсе пойдзе тут размова:

і пра мае стратэгіі высновы…

Святлана Іванюшына, студэнтка дыстанцыйнага навучання 2015/16 г.

Ацэнка актыўная – новая мода

Ці поўная розуму вучняў свабода?

Каб у гэтых пытаннях, сябры, разабрацца,

На курс дыстанцыйны хутчэй запісацца.

Сваю мэту ў курсе тут мелі студэнты.

З чаго пачыналі? Бадай, з элементаў.

І кожны сабе сам пачаў вырашаць:

Ці трэба стратэгію ў сэрцы прыняць.

Былі меркаванні, што гэта не нова,

Ужо працавалі так, – робяць выснову.

Але ж пра навінкі ніхто не казаў,

З знаёмых часцін хтосьці цэлае склаў!

Навошта, пытаюцца, нам гэта трэба,

Калі ў Дзяржавы няма той патрэбы?

Цяжар у настаўніка так непад’ёмны:

Праграмы, канцэпцыі, сшыткаў аб’ёмы…

Калі нам знайсці на стратэгію час

І дзе адшукаць тут падтрымку якраз?

Дырэктар, намеснік клянуць за адзнакі,

А мы – нібы проста дарэмнапісакі?

Тут рушыла хуткая нам дапамога:

Пра курс у газеце артыкулаў многа.

З “Настаўніцкай” спрэчкі не сталі ствараць,

Таму пачалі мы смялей працаваць.

Былі і няўдачы, былі перамогі.

Была тут для многіх цярністай дарога:

Студэнт справаздачу сваю адсылае,

А ментар з адказам ледзь-ледзь паспявае!

Зваротная сувязь – як гэта цікава:

Тут нам дапамога вялікая ў справах.

Калі штосьці ты зразумеў недакладна,

То ментары ўсё растлумачаць так складна!

І вось падышоў раптам курс да сканчэння:

Развітвацца сумна, але без сумнення,

Хто змог веды гэтыя ў сэрцы прыняць,

Інакш больш не зможа, бадай, працаваць!

Песня пра дыстанцыйны курс

На матыў “Тры чарапахі” Лявона Вольскага, NRM

Калі расчараваны навучальным працэсам

І жадаеш ты нешта знайсці,

Значыць, хутка на курс па Актыўнай Ацэнцы

Дыстанцыйны наш трэба зайсці.

Каб не блытаць ніколі ацэнку з адзнакай,

Трэба новае штось паспытаць.

Мэты зможаш паставіць да ўрока, як варта,

Дыялог з вучнем зможаш трымаць.

Гэй, ла-ла-ла-лай, ты завітай, тут цікавыя людзі!