Запрашаем настаўнікаў, выкладчыкаў педагагічных установаў, метадыстаў на курс дыстанцыйнага навучання «Актыўная ацэнка – 2022». Апошні тэрмін падачы заявак – 25 верасня 2022 г, 24:00.
Пра курс можна пачытаць у серыі артыкулаў “Настаўніцкай газеты” і ў прадметных часопісах.

Умовы ўдзелу:

Усе кандыдаты для ўдзелу ў праграме павінны:

• Займацца актыўнай выкладчыцкай дзейнасцю і мець жаданне развіцця  сваіх прафесійных навыкаў, прафесійнай самарэалізацыі;
• Быць адкрытымі для ўспрымання новай інфармацыі і гатовымі для апрабацыі новых ведаў на практыцы;
• Валодаць базавымі ведамі па карыстанню камп’ютарам і мець доступ да інтэрнэту, мець уласную скрыню электроннай пошты.
• Самастойна даслаць заяўку на навучанне.

Змест і арганізацыя курса

Актыўная ацэнка (АА) заснавана на зваротнай сувязі, дазваляе настаўніку эфектыўна матываваць вучняў і заахвочвае іх браць на сябе адказнасць за сваё навучанне, што ў выніку істотна падвышае якасць ведаў.

Укараненне актыўнай ацэнкі ў Вашу педагагічную дзейнасць будзе, відавочна, патрабаваць змены існуючых звычак і метадаў працы, а таксама прыстасавання прапанаваных элементаў актыўнай ацэнкі да вашай сістэмы навучання. Пры гэтым актыўная ацэнка не патрабуе змяненняў у змесце навучальнай праграмы.

Як удзельнік/удзельніца курсаў Вы будзеце паступова ўводзіць на сваіх уроках элементы актыўнай ацэнкі і мець дапамогу з боку ментара. Курс складаецца з сямі модуляў. Кожны модуль працягваецца каля трох тыдняў. Прыкладна раз на тры тыдні ўдзельнікі будуць атрымліваць невялікі дыдактычны матэрыял (у выглядзе прэзентацыі, тэстаў для самаправеркі, відэалекцый і ў тэкставым выглядзе, у сярэднім 4-6 старонак)  і заданне, якое павінны зрабіць у класе са сваімі вучнямі (студэнтамі). Пры жаданні ўдзельнікі змогуць карыстацца дадатковай літаратурай а таксама матэрыяламі сайта  www.aacenka.by. Па выніках кожнага модуля пішацца справаздача ў выглядзе анкеты.

Тэрмін навучання: 6 месяцаў.

Удзел у навучанні бясплатны.

Хто вядзе курс
У якасці ментараў і кансультантаў  выступаюць найлепшыя педагогі-практыкі, метадысты і выкладчыкі ВНУ, якія самі прайшлі навучанне і ў вялікай ступені склалі гэты інтэрнэт-курс ці адаптавалі яго для беларускіх умоваў.

Як падаць заяўку:

Для ўдзелу ў конкурсным адборы трэба запоўніць анлайн  анкету-заяўку   Калектыўныя заяўкі не прымаюцца. Перавага будзе аддадзена найбольш матываваным удзельнікам.  Рэкамендацыйныя лісты ад практыкаў АА ў Беларусі вітаюцца, але не з’яўляюцца абавязковымі.

Тэрмін прыёму заявак: з 12 па 25 верасня 2022 г.

Пра вынікі адбору будзе паведамлена ў пачатку кастрычніка 2022 г.

Дзяліцеся інфармацыяй з калегамі
Анкета-заяўка: https://docs.google.com/forms/d/e/1FAIpQLSepeTBzrxFR5hw_YJ65GBWiWesWBc8Sgt84g8YAqLC-o6OMJQ/viewform?usp=sf_link