Рэфлексіўныя нататкі да першага модуля “Мэты ўрока”з курса дыстанцыйнага навучання па АА у 2013-14 навучальным годзе.
Каго ўцягвае рыбалка, каго гарэлка, каго наркотыкі, а нас дыстанцыйнае навучанне. Цягне да камп’ютара, хочацца хутчэй уключыць і чытаць-чытаць справаздачы, думаць, пагаджацца, спрачацца, крыўдаваць іншы раз на сябе, што сам не дадумаўся да чагосці. Карацей, вучыцца. Сапраўды, мы вучымся. І ментары, і студэнты. Дзякуючы нашым стасункам у кожнага выкрышталізоўвецца свая актыўная ацэнка, бо мы розныя. Але ёсць пэўныя правілы АА, якія выпрацаваны ў вопыце тых, хто раней да яе далучыўся: і за межамі Беларусі, і ў нас. І гэтыя правілы ёсць рэгулятывы дзейнасці, якіх пажадана прытрымлівацца.